منتديات توب كافيه

منتديات توب كافيه


    حتى ابليس هاجر من مصر

    شاطر
    avatar
    الرسام
    Admin

    عدد المساهمات : 303
    تاريخ التسجيل : 29/06/2009

    حتى ابليس هاجر من مصر

    مُساهمة من طرف الرسام في الجمعة يوليو 24, 2009 1:36 pm

    على باب سفارة كندا.. لمحت ابليس و ف ايده استماره..

    بقول له على فين.. قاللي بص .. يا هجره يا اعاره..

    يا عم زهقت.. كفرت .. الاقيش معاك سيجاره..

    انا انتهيت خلاص .. لا نافع وسواس ولا خناس

    ولا ليا عيش وسط الناس..

    دي عالم مجرمين.. عندكوا فائض ف الفساد..

    في كل البلاد..

    ومش محتاجين شياطين .. مليش عيش ف دي البلاد..

    ....



    بقالي سنين عاطل .

    و انتوا بتعرفوا تقلبوا الحق باطل..

    و تسلكوا القاتل .. و تمشوا ف جنازة المقتول..

    ومفيش مشاكل..



    يا عم ده انا بقيت أوسوس بالمقلوب..

    و أقول للحرامي .. كفايه بقى .. توووووب..

    انت ايه . لوحدك هاتعمل كل الذنوب..

    و أنا ابليس أشتغل واعظ .. ولا كمساري ف اتوبيس..



    يا عم ده انا زمان

    كنت استنى حد ينسى يسمي وهو بياكل لقمته..

    دلوقتي كل اكلكم ملوث .. و بصراحه الواحد خايف على صحته..

    ده مفيش ضمير اساساً عشان اموته..

    و كل واحد بمزاجه .. خربانه ذمته..



    يا عم ده كل حاجه اتسرقت..

    وكده الاجيال الجديده م الحراميه اتظلمت..

    يا راجل ده من كتر ما لطشت معايا..

    خرجت ف مظاهره مع الناس اللي بتقول كفايه..

    و برضه ......... مفيش فايده.


    _________________

    avatar
    بنوته اسكندرانيه
    مشرف منتدى شباب وبنات
    مشرف منتدى شباب وبنات

    عدد المساهمات : 128
    تاريخ التسجيل : 05/07/2009
    العمر : 30

    رد: حتى ابليس هاجر من مصر

    مُساهمة من طرف بنوته اسكندرانيه في الثلاثاء يوليو 28, 2009 8:17 am

    هههههههههههههههه
    بس والله عندك حق
    الناس بقت هي ابليس

    نايس توبيك
    ويارب يرحمنا من اللي احنا فيه



    _________________
    كيف تبكي نفسا علي شئ ذاهب ونفس لا احد يبكي عليها عندما تذهب[i]
    avatar
    بسمله

    عدد المساهمات : 216
    تاريخ التسجيل : 07/07/2009

    رد: حتى ابليس هاجر من مصر

    مُساهمة من طرف بسمله في الأربعاء أغسطس 05, 2009 1:50 pm

    هههههههههههههههه
    موضوع جميييييل
    تسلم ايدك

      الوقت/التاريخ الآن هو الإثنين ديسمبر 18, 2017 7:45 am