منتديات توب كافيه



انضم إلى المنتدى ، فالأمر سريع وسهل

منتديات توب كافيه

منتديات توب كافيه

هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

منتديات توب كافيه


    نـاس تؤكـد إنـه معاه ثلاثة موبايلات يا ترى.. نمرة موبايل الريس تطلع كاام؟؟؟

    Hairana
    Hairana


    عدد المساهمات : 115
    تاريخ التسجيل : 12/07/2009

    نـاس تؤكـد إنـه معاه ثلاثة موبايلات يا ترى.. نمرة موبايل الريس تطلع كاام؟؟؟ Empty نـاس تؤكـد إنـه معاه ثلاثة موبايلات يا ترى.. نمرة موبايل الريس تطلع كاام؟؟؟

    مُساهمة من طرف Hairana الثلاثاء يوليو 21, 2009 4:01 am


    نـاس تؤكـد إنـه معاه ثلاثة موبايلات يا ترى.. نمرة موبايل الريس تطلع كاام؟؟؟ 7


    أخيرا وبعد طول انتظار جاء القرار المنتظر الذي طالما تمناه وانتظره كل أفراد الشعب المصري بكل فئاته وهو شراء رئيس الجمهورية للاختراع العبقري المسمى التليفون المحمول، حيث جاء هذا القرار العبقري بعد اجتماع مطول بين رئيس الجمهورية وبعض مستشاريه المقربين، الذين أقنعوا سيادته بعد مناقشات دامت حوالي الشهرين أن يقوم بشراء تليفون محمول (موبايل) ويقوم بنشر رقم تليفونه بين فئات الشعب المختلفة حتى يكون قريبا لشعبه، ويتيح لكل الشعب فرصة التواصل والتكلم معه شخصيا دون وسطاء, وعندما علم الشعب هذا الخبر الرائع فرح فرحا شديدا، وكل فرد يمني نفسه بمحادثة الرئيس شخصيا حتى الأطفال أيضا أرادوا أن يكلموا (بابا الريس) ويشكوا له عما يضايقهم.................



    ثلاثة موبايلات

    مساااااااء الخييير أكيد أخذتم بالكم من إن كل الكلام اللي فوق ده (تهييس) واحدة عايزة تنام لأن الريس لا عمره شال موبايل وأكيد مش بيفكر إنه يشيله، ولكن الفكرة كانت بتدور في رأسي من فترة، وخاصة بعد نزول الشبكة الثالثة للمحمول للسوق، وعشان كده بقيت أسأل الشباب واللى اعرفهم تفتكروا لو الكلام ده صح ممكن يكون رقم تليفون الريس كام، وفي أي شبكة، ونظامه إيه، يا ترى خط ولا كارت؟؟؟!!!

    واحد رد عليا ضاحكا ويقول بكل ثقة: أكيد الريس (حيشيل) ثلاثة موبايلات مش موبايل واحد وكل موبايل من دول حيكون برقم مختلف وفي شبكة مختلفة، أو ممكن يعملوا له شبكة لوحده أساسا، أما بالنسبة بقى للنظام فأكيد حيكون نظام جديد خالص لوحده يجمع ما بين كل الأنظمة الموجودة حاليا الكارت والخط والبزنس واللي مش موجودة كمان.


    عيش وحلاوة

    ويدخل أخر في الحوار ويسألني: أنت متأكدة إن الموضوع ده حينزل بجد؟ وكأنه لا يصدق أننا في بلد ديمقراطي تكفل حرية الرأي، والذي لفت نظري أكثر هو ما قاله لي عندما رددت عليه بأنه نعم إن شاء الله الموضوع نازل فقال لي (نسأل عليك فين عشان نبقى نيجي نزورك ونجيبلك عيش وحلاوة) وياريت ماتكتبيش اسمي في الموضوع...!
    أما بقى صديقتى فكانت حكايتها حكاية لأنها قامت بدور أبو العريف وقالت: إيه الغريب في الموضوع ماهو فعلا الريس معاه موبايل بس أكيد الرقم مش مع أي حد، وأكيد مع مدام سوزان مبارك بس عشان تعرف (تجيبه) أمال أنت فاكرة هي بتوصله ازاي؟!

    صديقة اخرى ترد مازحة: رقم تليفون الريس على الشبكة العنكبوتية ودي شبكة جديدة ستنزل قريبا للسوق، وبالنسبة للرقم فهو سري بس أعتقد إنه مكون من عشرين رقم عشان يكون مميز ومختلف عن الأرقام الأخرى.



    سنترال الزقازيق المركزي

    ولكن زميل أخر يرد بكل عقل قائلا: إيه الروقان ده، هو الريس أصلاً بيرد على تليفوناته بنفسه، بالطبع ليه ناس متخصصة للموضوع ده، والناس دي لها لغة معينة في الرد واستقبال المكالمات، وبعدها بقى تحول المكالمات للريس أصل مش معقولة يعني الريس يبقى عنده كارت موبينيل 012 ولا حاجة ومثلاً وهو بيكلم رئيس السودان التليفون يفصل شحن!!

    وتقتحم صديقة اخرى الحوار ضاحكة وتقول: يا سلام بقى لو كان الريس مشغول ومش عاوز يرد على التليفون مثلا، وساعتها كان رئيس الجزائر بيكلمه يروح الريس (مكنسل) في وشه أو يشغله الرسالة الرخمة اللي بتقول
    (عفوا أنت تتصل بسنترال الزقازيق المركزي).

    وأخيرا تأتي قريبتى وترد قائلة: أكيد الريس حيكون فودافون لأن فودافون أقوى من موبينيل ونظامه خط مش كارت والرقم حيكون سهل أوي ممكن يكون رقم واحد مكرر سبع مرات!!


    في أوروبا والبلاد المتقدمة

    نـاس تؤكـد إنـه معاه ثلاثة موبايلات يا ترى.. نمرة موبايل الريس تطلع كاام؟؟؟ 8

    أكيد في بلاد بره الطريقة في الوصول للريس ومكالمته أبسط من كده بكثير، ونقدر ندلل على الكلام ده برئيس أمريكا "باراك أوباما" مثلاً واللي ممكن تتواصل معاه بعدة طرق، أسهلهم خلال الموقع الخاص به واللي أول ما حتدخله حتلاقيه موجود على كل المواقع الاجتماعية اللي تعرفها واللي ماتعرفهاش زي الفيس بوك،التويتير، وماي سباس وغيرها من المواقع المشهورة، أي نعم مش هتقدر تبعت له إيميل مباشر بس مش مشكلة لأنك تقدر تكلمه على طول بمنتهى البساطة....حتسألني وتقولي إزاي، حقولك من خلال تليفونات مكاتبه المتاحة، واللي ممكن تكلمه مباشرة من خلالها، وممكن كمان تبعت له جواب في البريد يروح في مكتبه في البيت الأبيض.
    طيب يا ترى الحال في بريطانيا شكله إزاي؟! زي عندنا كده ولا إيه؟ هرد عليك وأقولك إنه أكيد مش أقل من وضع أمريكا لأن لو المواطن البريطاني عاوز يتكلم مع أي حد في القصر الملكي "قصر باكينجهام" هيقدر من خلال الدخول على الموقع الإلكتروني الخاص ويقدر إنه يكلم أي فرد في العائلة الملكية من خلال الضغط على أيكونة "الاتصال مع أفراد العائلة الملكية" والتي سترسلك إلى صفحة العناوين والتليفونات الخاصة بالعائلة الملكية البريطانية، ده غير إمكانية التصفح لأقسام الموقع المختلفة واللي هتلاقي فيها معلومات مهمة جداً عن بريطايا والعائلة الملكية وصور نادرة.
    ده كان الحال في بلاد بره وفي أهم دولتين في العالم وأكثرهم تطبيقاً لمبدأ الديمقراطية، تفتكروا بقى في بلاد جوه الواحد يقدر يتصل بالريس أو أي حد في القصر الجمهوري إزاي؟، طب ولو حتى عرفنا نتصل، في حد هيرد علينا؟ ولو حد رد علينا يا ترى هيرد بأي وسيلة؟؟؟!!!


    أنتم رأيكم إيه؟ تفتكروا إن الفكرة دي ممكن تتحقق والريس يجيب موبايل ويتواصل مع الشعب؟






    bom

    إنســـــــى يـاعمـــــرو

      مواضيع مماثلة

      -

      الوقت/التاريخ الآن هو الخميس مارس 28, 2024 4:39 pm