منتديات توب كافيه

منتديات توب كافيه


    يبقــى إنت أكـــيد فى مصـــــر (ربنـــا يستــر)

    شاطر
    avatar
    Hairana

    عدد المساهمات : 115
    تاريخ التسجيل : 12/07/2009

    يبقــى إنت أكـــيد فى مصـــــر (ربنـــا يستــر)

    مُساهمة من طرف Hairana في الثلاثاء يوليو 21, 2009 4:04 am

    بصوا من الآخر كده انا ملييش نفس اعمل أي حاجة في الدنيا يعني انا الخنقة اساسا وصلت بيا آخرها زيي زي كل الشعب المصري ...بس انا الجرعة عندي زيادة شوية ...يقوم منه لله عم احمد الزلنبحي البقال عندنا مشغل التليفزيون المصري لفتت نظري الأغنية اللي شغالة ...اغنية اسمها ... يبقى انت اكيد في مصر .

    في البداية طنشت شوية ...وبعدين ركزت ..وركزت اكتر لقطت كلمتين من الأغنية ما معناه ...لما الحفيد يشد ايد جده ويقوله يلا يا جدي نصلي العصر
    ... يبقى انت اكيد اكيد في مصر .

    هاهاهاهاهاهاهاهاهاهاهاهاهاهاه والنبي ايه حلوة دي ....يعني لو عيل صغير غلط واتخبل في عقله في الصومال مثلا وقال لجده تعالى نصلي العصر ...حيبقى بقدرة قادر تنقلب الصومال مصر علشان يبقوا اكيد في مصر .

    والله اللي كتب الشعر ده دماغه لاسعة .انا بقى لا شاعر ولا بفهم في الشعر ده لكن اللي اعرفه ان عندي حاجات كتير مش ممكن بجد مش ممكن تحصل لو حصلت إنك تقول غير حاجة واحدة .... تقول يبقى انت اكيد في مصر .


    لو البلد تعبانة و44% من سكانها يعيشون تحت خط الفقر وفيها عبارة غرقانة وانفلوانزا الطيور ومع كده رئيسها يطلع في حوار صحفي والمذيعة تسأله انت مرتاح لوضع البلد ...فيكون الجواب مرتاح اوي ......يبقى انت اكيد في مصر ( يلا .... حتة من ورا ظهر الرقابة واللي يلحقها يلحقها )


    لو لقيت الظابط ماسك شيخ عمال يديله على قفاه في مظاهرة ....يبقى أنت أكيد في مصر .(
    مظاهرة من مظاهرات الأصلاح في طنطا ظهر فيها ظابط يضرب شيخ معمم .. .بجلباب وكاكولا ويضربه على قفاه )

    لو لقيت نص شبابنا بيضرب بانجو وحشيش عـ القمة ......
    يبقى أنت أكيد في مصر .

    لو صندوق زبالة فاضي والناس رامية الزبالة جنبه ...
    يبقى أنت أكيد في مصر .

    لو لقيت غطيان البلاليع في الشارع مسروقة وصناديق الزبالة مسروقة ولمض النور عـ السلالم مسروقة وشارع بحاله في محطة الرمل لبيع الموبايلات المسروقة ..
    .يبقى أنت أكيد في مصر .

    لو لقيت بلد تعبانة وموجوعة وشبابها همه في الدنيا روبي وهيفاء ......
    يبقى أنت أكيد في مصر .

    لو لقيت رغيف العيش فيه دبارة ومسمار وجناح صرصار . .يبقى أنت أكيد في مصر .

    لو لقيت البطيخ مسموم والعنباية قد التفاحة والتفاحة لا طعم ولا ريحة والخوخة منقعوة في الكلور والمية اللي نازلة من الحنفية ريحتها مجاري ....
    .يبقى أنت أكيد في مصر .

    لو حبيت تعرف اللي بيحصل في بلدك لازم تشتري دش وتعرف من بره بلدك عن طريق الفضائيات ...
    .يبقى انت أكيد في مصر .

    لو البلد تعبانة و44% من سكانها يعيشون تحت خط الفقر وفيها عبارة غرقانة وانفلوانزا الطيور ومع كده رئيسها يطلع في حوار صحفي والمذيعة تسأله انت مرتاح لوضع البلد ...فيكون الجواب مرتاح اوي .....
    .يبقى انت اكيد في مصر

    لو مشيت على طريق مصر اسكندرية ولقيت مدن وبيوت طويلة عريضة وقرى سياحية ...فاضية ومهجورة وصحابها ما بيسكنوهاش غير اسبوعين في الصيف ....ومشيت في شبرا ولا الحضرة ولا كرموز ولا غيط العنب ولقيت الناس عايشين في اكشاك خشب وصفيح .... .يبقى انت اكيد في مصر .

    لما 90 % من الموبايلات اللي بتقع من صحابها في الشارع او في المواصلة اللي بيلاقيها ما بيرجعهاش وياخدها ويقبلها حرام على نفسه ....يبقى انت اكيد في مصر .

    لو لقيت شعب عمال يفتخر انه شعب متدين وبتاع ربنا واكتر بلد فيها الأسلام وبلد الأزهر ...ومع كده سب الدين شيء من العادي انك تسمعه في الشارع
    يبقى انت اكيد في مصر



    لو لقيت الأتوبيس فاضي ..والشارع نظيف ...والناس إيجابية ...والأكل نظيف ...
    .يبقى أنت أكيد مش في مصر .






    ربنـــــا يســــــــتر
    إبقــــوا زرووووووونى بقــــى

    وافتــــكروا انــــى كــــنت بضحكــــم

    صحيح رايحيييين فيييييييين
    الموضوع لسه ليه باااااقى
    انتظرووووونى
    avatar
    بسمله

    عدد المساهمات : 216
    تاريخ التسجيل : 07/07/2009

    رد: يبقــى إنت أكـــيد فى مصـــــر (ربنـــا يستــر)

    مُساهمة من طرف بسمله في الثلاثاء يوليو 21, 2009 12:45 pm

    مش عارفه اقولك ايه والله
    فعلا هو دا الحال
    والواحد والله نفسه البلد تتغير
    بس هانعمل اييييييييه

    شكرا ياقمر على الموضوع
    avatar
    Hairana

    عدد المساهمات : 115
    تاريخ التسجيل : 12/07/2009

    رد: يبقــى إنت أكـــيد فى مصـــــر (ربنـــا يستــر)

    مُساهمة من طرف Hairana في الثلاثاء يوليو 21, 2009 3:22 pm

    مش عارفه اقولك ايه والله
    فعلا هو دا الحال
    والواحد والله نفسه البلد تتغير
    بس هانعمل اييييييييه

    شكرا ياقمر على الموضوع


    قولى حسبــى الله ونعــم الوكيــل فى اللى ناهبنهــا
    وواكلـــين حــق الغـــلابة
    مش هانقــول غير يــارب
    بس اوعــى تفتنـــى عليــا
    ههههههههههههههه
    نورتينــى ياقمــرايا

      الوقت/التاريخ الآن هو الثلاثاء يناير 16, 2018 4:06 am