منتديات توب كافيه



انضم إلى المنتدى ، فالأمر سريع وسهل

منتديات توب كافيه

منتديات توب كافيه

هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

منتديات توب كافيه


4 مشترك

    هو ده الحب

    بنوته اسكندرانيه
    بنوته اسكندرانيه
    مشرف منتدى شباب وبنات
    مشرف منتدى شباب وبنات


    عدد المساهمات : 128
    تاريخ التسجيل : 05/07/2009
    العمر : 37

    هو ده الحب Empty هو ده الحب

    مُساهمة من طرف بنوته اسكندرانيه الأربعاء يوليو 08, 2009 3:35 pm

    الحب
    الله علي الكلمه دي
    جميله..رقيقه..حساسه
    صادقه.. بريئه..ماحدش يعرف الحب الا انه حب!!

    اذا كنت عاوز تعرف يعني ايه حب
    تعالي نعمل  التجربه البسيطه دي مع بعض
    غمض عنيك(بعد ماتخلص قراءه طبعا)
    اسرح شويه كمان
    كمان
    شويه كمان
    بس كده كفايه
    استحضر صوره واحد انت بتحبه قوي
    فكر فيه
    مثلا مثلا
    واحد صاحبك بتفضفضله مشاكلك وهمومك
    بتحس انك لما بتكلمه بترتاح بعد مابتكون حاسس ان الدنيا كلها فوق دماغك
    بتخرجوا مع بعض بتاكلو مع بعض
    عارف اهله وعارفينك
    جدع جداا معاك
    السؤال بقي
    اذا غاب عنك كام يوم بعد ماكنت بتشوفه كل يوم
    هتحس بايه
    وحشك اوي مش كده



    هو ده الحب
    ها اديني سهلتها عليك جرب لوحدك المره دي
    اقعد وافتكر لما كنت تعبان  نايم في السرير سخن وبتكح وحالتك صعبه وبتقول اه
    مفيش حد جانبك غير امك  قاعده بتنام علي نفسها
    وتقول يارب
    اشفيلي ابني
    نفسك تقول ايه ساعتها
    هو ده الحب


    معلش جرب تاني  وانت بتقلب في التليفزيون لقيت واحد نازل بيشتم في دينك ونبيك وبيقول كذا وكذا
    وانت عارف انه كداب
    نفسك تعمل ايه وقتها ؟ تاكله مش كده
    عشان بتغير علي دينك او   بتحبه..
    هو ده الحب


    ماشي في الشارع لقيت واحد في الارض بيدورعلي حاجه ياكلها  صعب عليك المنظر
    قمت حطيت ايدك في جيبك واديته اللي تقدر عليه
    وطيبت خاطره بكلمه حلوه
    بتحب تعمل الخير والحمدلله
    هو ده الحب


    بتحب امك بتحب ابوك بتحب اختك واخوك

    هو ده الحب

    بتحب بيتك وبتحب الشارع بتاعك
    بتحب بلدك رغم كل حاجه
    ونفسك انها تتصلح وتبقي احسن بلد في الدنيا؟

    هو ده الحب

    وطبعا طبعا وقبل كل ده بتحب ربك
    وبتحب رسولك
    صلي الله عليه وسلم


    وهو ده الحب الاكبر

    هو ده الحب


    معرفناش نكتب له تعريف
    لانه حاجه متتكتبش
    الحب احساس جميل ومايتوصفش

    هتسالني طبعا بعد الكلام الحلو اللي قلته ده اومال  الحب اللي بتتكلم عليه الناس ده يبقي ايه؟


    للاسف اكتر كلمه اهينت واهين معناها السامي هي كلمه الحب
    باختصار اللي بنشوفه
    في الافلام والمسلسلات وللاسف في الجامعه والشارع مش حب ابدا ده بالعربي كده استظراف    تسليه     تضييع وقت   ضحك علي بنات الناس   اي حاجه زي كده غير انه يتسمي حب ابدا

    معظم هذه الحالات التي يحسب اصحابها انهم يحبون لا تنتهي بالزواج وده معناه تأثير نفسي كبير علي الطرفين وللاسف التأثيرده بيستمر حتي بعد ماكل واحد من الطرفين يتجوز.
    اليكم هذين المشهدين الحقيقيين
    مشهد رقم واحد

    المكان احدي الكليات
    البنت  احنا خلاص قربنا نخلص الترم التاني ودي اخر سنه والحمدلله
    واظن يا فلان ان الوقت مناسب انك تتقدم لبابا

    الولد  نعم يافلانه بس
    البنت  بس ايه
    الولد  بصراحه كده انا مش جاهز خالص انا اساسا لسه هادخل الجيش وبعدين ياعالم انا هاشتغل امتي ولسه هحوش  بصراحه كده يافلانه انا مش عايزك تتبهدلي معايا شوفي طريقك
    البنت  يعني الاربع سنين اللي فاتو دول ضاعو يا فلان

    الولد بصي بقي من الاخر انا متجوزش واحده بتمشي مع شباب  ...مع السلامه

    مشهد يتتكر كثيرا واليك الشهد التاني المشابه



    المشهد التاني
     المكان نفس المكان السابق


    الولد  ان شاء الله يافلانه  اول ماالنتيجه تطلع واتخرج هتقدم لوالدك علطول يعني هانت

    البنت  بصراحه يافلان انا متقدملي عريس لقطه
    الولد   انتي بتقولي ايه؟

    البنت  خلينا عمليين يا فلان انت لسه هتدور علي شغل  امتي بقي هتجمع فلوس الجهاز والشبكه بصراحه احنا مش لبعض
    مع السلامه

    للاسف المشاهد دي حقيقيه ومتكرره جدا وشفناها كتير في الجامعه وفي غير الجامعه
    هذا الحب الواهم ليس حبا طاهرا شريفا كما يقولون
    فانه ينال او ماينال من سمعه الفتاه واهلها
    الحب الطاهر يكون حب الزوج  لزوجته وحب الزوجه لزوجها
    هذا هو الحب الذي علمنا اياه محمد بن عبد الله صلي اللع عليه وسلم الذي سئل امام الصحابه من احب الناس اليك ؟ فقال عائشه


    الحب كلمه عظيمه طاهره
    الحب غريزه لا نستطيع الاستغناء عنها ولذلك شرع الله لنا الحب الحلال
    وعدد انواعه ومنها بالتاكيد حب الرجل للمرأه وحب المرأه للرجل
    ولكن الكثيرين منا لا يوزع عواطفه بالطريقه الصحيحه ولا يراعي الحدود التي امر بها الله تعالي في المعامله بين الجنسين
    وزع عواطفك واملأ قلبك بألوان من الحب تكن اسعد الناس وفي النهايه لا انسي ان اقول لكم
    احبكم في الله

    اسفه علي الاطاله


    avatar
    نور البدر1


    عدد المساهمات : 46
    تاريخ التسجيل : 07/06/2009

    هو ده الحب Empty رد: هو ده الحب

    مُساهمة من طرف نور البدر1 الأربعاء يوليو 08, 2009 5:05 pm

    بجد موضوع هايل بس قليل تلاقى الحب دة
    ابتسامه بريئه
    ابتسامه بريئه


    عدد المساهمات : 23
    تاريخ التسجيل : 30/06/2009

    هو ده الحب Empty رد: هو ده الحب

    مُساهمة من طرف ابتسامه بريئه الخميس يوليو 09, 2009 2:57 am

    برافو عليكى بنوته

    شرحتى باستفاضه معنى الحب بجد

    ياريت مش تحرمينا من لمساتك الجميله
    بسمله
    بسمله


    عدد المساهمات : 216
    تاريخ التسجيل : 07/07/2009

    هو ده الحب Empty رد: هو ده الحب

    مُساهمة من طرف بسمله الخميس يوليو 09, 2009 6:42 am

    الله عليييييكى
    موضوع روعه
    تسلمى ياقمر
    بنوته اسكندرانيه
    بنوته اسكندرانيه
    مشرف منتدى شباب وبنات
    مشرف منتدى شباب وبنات


    عدد المساهمات : 128
    تاريخ التسجيل : 05/07/2009
    العمر : 37

    هو ده الحب Empty رد: هو ده الحب

    مُساهمة من طرف بنوته اسكندرانيه الخميس يوليو 09, 2009 9:46 am

    نور البدر1 كتب:بجد موضوع هايل بس قليل تلاقى الحب دة


    مرسيي كتير اوي علي ردك
    والحب موجود بس احنا ندور صح
    اه هو قليل بس احنا بادينا نخليه كتير
    تشرفت بمرورك

    بنوته اسكندرانيه
    بنوته اسكندرانيه
    مشرف منتدى شباب وبنات
    مشرف منتدى شباب وبنات


    عدد المساهمات : 128
    تاريخ التسجيل : 05/07/2009
    العمر : 37

    هو ده الحب Empty رد: هو ده الحب

    مُساهمة من طرف بنوته اسكندرانيه الخميس يوليو 09, 2009 9:51 am

    ابتسامه بريئه كتب:برافو عليكى بنوته

    شرحتى باستفاضه معنى الحب بجد

    ياريت مش تحرمينا من لمساتك الجميله



    مرسيي ياقمرايا
    يارب يكون فعلا التوبيك عجبكم
    نورتيني
    بنوته اسكندرانيه
    بنوته اسكندرانيه
    مشرف منتدى شباب وبنات
    مشرف منتدى شباب وبنات


    عدد المساهمات : 128
    تاريخ التسجيل : 05/07/2009
    العمر : 37

    هو ده الحب Empty رد: هو ده الحب

    مُساهمة من طرف بنوته اسكندرانيه الخميس يوليو 09, 2009 9:53 am

    بسمله كتب:الله عليييييكى
    موضوع روعه
    تسلمى ياقمر

    تسلمي انتي علي ردك الجميل
    نورتي التوبيك ياقمر


      الوقت/التاريخ الآن هو الخميس مارس 28, 2024 4:09 am